Tevgera Ziman û Perwerdeya Kurdî (TZPKurdî) 4’emîn Konferansa Ziman û Perwerdehiyan Kurdî ya di 23-24-25’ê tebaxê de bi beşdariya 76 delegeyan pêk anî. TZPKurdî di konferansê de mijarên girîng niqaş kirin. TZPKurdî li ser pergala xwesiriya demokratîk rawestiya û hate zanîn ku ev pergal ji bo kurdan gelekî girîng e. Di encamnameyê de wiha hate gotin: „Rastiyê ku pergala perwerdehiyê di nav pergala Xweseriya Demokratîk de cihekî taybet digire. Her wekî çawa dê civak pirsgirêkên xwe yên civakî, aborî û tendurisiyê bi destê xwe çareser bike, dê pergala xwe ya perwerdehiyê jî bi destê xwe ava bike û bi rê ve bibe.

Di vî warî de jî barê herî giran, berpirsiya sereke dikeve ser milê Tevgera Ziman û Perwerdehiya Kurdî, lewre ew perwerdehî dê bi zimanê kurdî be. Ji bo xweseriya demokratîk li ser bingeheke rast ava bibe, pêdivî bi pegaleke perwerdehiyê ya xurt û avakirina bingeha nasnameyeke azad heye. Lewre divê TZPKurdî rewşa ya heyî di ber çavan re derbas bike, li gorî pêwîstiyên demê xwe ji nû ve ava û birêxistin bike. Delegasyonê ev konferansa me ji bo avakirina nû ya TZPKurdî wekî destpêkekê bi nav kir.

ERÎVAN- Kurdên li Ermenîstanê dijîn piştî fêrbûna zimanê kurdî bi tîpên latînî, vê carê li gundê Elegezê yê girêdayî bajarê Aparanê civînek li ser pêdiviyên zarokên kurd, pêdiviya hînkirina mamosteyan û li ser kêmbûna dersên zimanê kurdî li dar xistin.  

Di civîna ji aliyê komîteya ziman û perwerdeya kurdî li Ermenîstanê ve û bi alîkariya Komîteya Kurdistanê û Şêwra Gelê Kurd li Ermenîstanê hat li dar xistin de, li gel endamên Komîteya Karger ya Yekîtiya Mamosteyên Kurd, kesayetên berpirsyar, mamosteyên zimanê kurdî yên li Ermîstanê, rewşenbîr, keya û rêveberên dibistanan tevlî bûn.

Ji 36 welatan gelek sazî û rêxistinên netewî û navnetewî yên cur be cur beşdarî vê Forumê bûn.

Di Forumê de bêtir li ser pirsgirêkên civakî (sosyal) û çareseriyên wan hate rawestîn. Dirûşmeya Formê: „Cîhaneke din mumkun e.“ bû. Di Forumê de gelek semîner, konferans û forum hatin dayin. YMK jî wek delegasyon car caran bi nirxandin û carna jî bi pirsan bi awayekî çalak tev li gelek cîvînan bû. Delegasyon bi giranî  tev li civînên li ser çand û zimanê kurdî bûn. Gelek rêxistin û saziyên Kurd tev li forumê (Sosyal Foruma Mezopotamya, BDP, TZP, Kurdî-Der, Ensituya Kurdî, Komeleya Nivîskarên Kurd, ûhw.) Li ser broşûra bernameya Forumê hebûna nivîsandina bi kurdî jî tiştekî balkêş bû.